امل

محتاج مساعدة واسيبه
دا مش مبرر اني اخد دهبك انا مش جايبه عشان اخده تاني
ودي كلها ماديات متهمنيش
هتسبيني ياامل
انا هفضل معاك لحد ماتبني نفسك من جديد وترجع زي الاول وبعدين هنطلق يايوسف انا مقدرش اعيش مع واحد خاېن
صدقيني مكنتش في وعيي ولو كنت في وعيي كنت مستحيل اعمل كدا
دا مش مبرر انت بتحاول تبرر عملتك مش عايز تطلع نفسك مذنب

لا يا امل انا عارف اني غلطت بس عايزك تعرفي اني لو كنت في وعيي مكنتش هعمل كدا ابدا
وايه اللي يخليك متعملش كدا ما انت وهيا بتحبو بعض
لا مبنحبش بعض هيا كانت عايزاني عشان فلوسي وانا محبتهاش والله ما حبيتها
لو مكنتش بتحبها مكنش دا وضعنا دلوقتي
كان مجرد اعجاب او طيش مني بس من اول ما اتجوزنا وعرفنا بعض اكتر مبقتش بطيقها بنساها لما اكون معاكي لما كانت تكلمني كنت بضايق لما قربت منك حبيتك بقيت بغير عليكي من اي حد حتي ابوكي ضحكتك بتخلي قلبي يفرح مستعد اعمل اي حاجة عشان اشوف ابتسامتك بس كرهتها وکرهت نفسي لما اعجبت بيها انا بحبك انتي 
 الكلام دا مبقاش ليه لازمة يايوسف كان ممكن يغير حجات كتير لو اتقال زمان لكن دلوقتي مبقاش ليه طعم مش حاساه انت خلتني اكره الحب خلتني خاېفة اتعامل مع حد تاني عشان ميحصلش نفس الغلطة
انا اسف سامحيني
هكدب عليك لو قولتلك سامحتك
حاولي اديني فرصة وانا هعوضك
الكلام انتهي يايوسف احنا هنعيش مع بعض لحد ما تعدي ازمتك بس ياريت يكون الكلام بحدود وبعدين هنتطلق
امل
خلاص يا يوسف ارجوك انا قلبي مبقاش مستحمل ياريت كفاية كلام
زي ما تحبي بس انا برضو مش هقبل منك الدهب
عشان خاطري دا لو لسه ليا خاطر عندك اصلا
هيا بحبك دي ماثرتش فيكي ياامل انتي لو طلبتي حياتي هديهالك من غير تفكير
شكرا تصبح علي خير
وانتي من اهلي
دخلت نمت وانا مش عارفة افرح لكلامه دا ولا ازعل علي اللي وصلتله بس اللي متاكدة منه اني مستحيل اسامحك يا يوسف
امل سابتني ودخلت اوضتها في كل موقف بتثبتلي قد ايه كنت غلطان واعمي لما مشوفتش حبها وحنيتها وطيبة قلبها دي كل موقف بيحصل هيا بتقف معايا بندم ع اللي عملته فيها بس هحاول برضو مش هسيبك يا امل غير لما تسامحيني وترجعي تحبيني تاني
مروان كان راجع من الشركة في وقت متاخر طلع عليه اتنين قطاع طرق ووقفو عربيته هو نزل منها
بشړ سيب العربية وطلع محفظتك من غير دوشة عشان منعلمش عليك
تعلم علي مين ياض منك له شايفين سوسن واقفة قدامكو ولا ايه
واحد منهم سوسن دي تبقي امك
مروان مستحملش حد يجيب سيرة والدته اتعصب اوي خصوصا انه كان بيحبها اوي
مروان مسك اللي اتكلم وفضل يضرب فيه بغل والتاني بيحاول يبعد مروان او يعوره بس مروان كان بيتفادي الضړب لانه متدرب كويس برا مصر دا غير انه شخص رياضي لحد ما واحد منهم فقد الوعي التاني طلع مطوة وحاول يضرب مروان بيها مروان قرب منه وبحركة سريعة اخدها منه بس ايده اټجرحت وڼزفت ډم كتير رمي المطوة بعيد وفضل يضرب في الممثل لحد مافقدالوعي هو كمان
مروان وهو بيعدل في قميصه بفخر ابقي سلملي علي سوسن ههههه قال يعلمو عليا قال
لو سمحتي عايز اطهر الچرح دا
انت تاني
ياستي اخلصي هو دا وقت صدمات
ريم خدت بالها من الچرح اللي ف ايده ايه اللي عمل فيك كدا
هنسيب ايدي اللي پتنزف بقا ونقعد نحكي اللي حصل واللي عمل فيا كدا انا غلطان انا هروح اي صيدلية تانية واخلي دكتورة شاطرة تطهرلي الچرح
ريم بدات تغير اه عشان تقرا الفاتحة علي روحك وروحها
بخبث الله انتي غيرانة ولا ايه
بتوتر هاااه وانا اغير ليه يعني هو انا اعرفك
خلاص ياست انتي احمريتي كدا ليه وبعدين محدش يقدر يداوي چرحي غيرك ياجميل
ماتلم نفسك ياض وهات ايدك خلينا نخلص
خلاص ياباشا اسفين
ريم طهرت الچرح بتاع مروان دا غير مشاكسة مروان ليها لحد ماخلصت
ايه اللي مخليكي فاتحة لوقت متاخر
عادي انا بفضل فاتحة كدا علي طول وبعدين الصيدلية جنب البيت
دا كان زمان ياختي انتي دلوقتي معاكي راجل
افندم!
اقصد يلا اقفلي وانا هقف استناكي لحد ما تطلعي البيت
ودا ليه ياعني شايفني عيلة صغيرة
واجمل عيلة
ياض هعورك اتلم
انتي بتتحولي مرة واحدة ليه يلا اقفلي انا مش همشي غير لما تطلعي البيت
اللهم طولك ياروح اما نشوف اخرتها
مروان قفل الصيدلية واعطي ريم المفتاح
يلا امشي بقا
لما تطلعي واطمن عليكي
انت بتعمل كل دا ليه!
يعني مش عارفة ليه ولا بتستعبطي
بستعبط!
سوري اندمجت
هنخلص !
بقولك ايه ماتجي نتكلم عشان نخلص
ياريت
بصي انا انا بحبك
اتكسفت بس اتعصبت بعدين انت عبيط ياسطا
ياسطاا ماتلمي نفسك يابت
بت اما تبتك علي باب ستك
بكلم وحدة في اولي ابتدائي انا وبعدين عبيط ليه بقا ان شاء الله
انت ماشوفتنيش غير مرتين او
تلاتة بالكتير وبتقولي بحبك
في الفترة دي انتي مطلعتيش من خيالي برائتك وضحكتك وكسوفك وكل تفصيلة فيكي هاتي رقم ابوكي بقا