بالاامل
واحد بعد ما ډخلتي دخل وراكي ودفع الحساب وساب معاها الورقة دي
مسكت الورقة وقرأت الي فيها
اسف بس انا والله مليش ذنب ومكنتش اعرف بوجود البنت في شقة صاحبي انا دفعت الحساب وده جزء من اعتذاري
ابتسمت ابتسامة بسيطة وخدت الورقة ومشيت...
هنروح فين ياسندس دلوقتي
مش عارفة ياملك
طب ماتيجي نرجع تاني وانا مش هطلع مع حد تاني
لأ مش راجعة
هو كل ده بسببي
انت سبب من الاسباب ياملك أنا كان المفروض امشي من زمان أوي
تعالي نشوفلنا حاجة ناكلها
ياريت أنا جعانة اوي
فتحت شنطتها اتفاجأت ب٢٠٠ جنيه ولسه بتحاول تفتكر بتوع اي افتكرت الست الي وصلتها للدكتور الصبح وهي حاطة اديها علي شنطتها
ست مين دي ساسندس
فكك يلا تعالي هأكلك فراخ
عند ابو سندس
وازاي تسيبها تمشي يا متخلف انت
يعني يا معلم كنت هعمل اي م انت عارف سندس دماغها ناشفة وانا مش بقدر عليها
جاتك البلي في شكلك انت راجل انت اعتمد عليه
وهتكون راحت فين يعني
انت عارف ان من غيرها شغلنا هيوقف
المصېبة كمان ان المرة دي البضاعة الي معاها اكتر من كل مرة
طب هنعمل اي
اقلب عليها الدنيا وتجبها من غير ما تحس بحاجة
شبعتي ولا عايزة تاني
لا شبعت الاكل طعمه حلو
بس انا نعسانة اوي هنام فين
مش عارفة
تعالي كده
لقيت مكان ننام فيه
فين ده
مقام السيدة زينب بيبقي مفتوح اصلا في الوقت ده بيجلها زوار كتير اوي من كل حتة
راحوا للسيدة نامت ملك علي رجل سندس سندت سندس راسها علي الحيطة وراها شافت بنت قاعدة مع امها بيتكلموا سوا بيضحكوا وبيهزروا
صعبت عليها نفسها وافتكرت انها لغاية دلوقتي مش عارفة مين امها ولا ابوها ولا حتي مين عليتها
كل الي تعرفه الي قالهولها ابوها الي مربيها ان اهلها رموها في الشارع وهو لقيها واخدها رباها ومن وقتها وهي غايشة معاه
ما تقومي يابنتي نصلي قيام الليل الوقت ده من الليل اسمه الثلث الاخير ربنا سبحانه وتعالي بينزل فيه يسأل عباده لو حد محتاج حاجة لو حد عايز يستغفر قومي يابنتي صلي وارمي حمولك علي الله
يعني ياخالة لو طلبت اي حاجة من ربنا في الوقت ده هتتحقق
مكنش ربنا عز وجل امرنا اننا ندعوه لو مش هتتحقق
قامت سندس اتوضت واستشعرت معني الصلاة لاول مرة في عمرها فضلت تبكي وتناجي ربها انه يوصلها لأي حد من اهلها انها تحس بمعني البيت والاسرة الي تحافظ عليها مش الي يسيبوها للحرام
في مكان تاني
حمد الله على السلامة يا أبراهيم
الله يسلمك يا أمي
اي ده انت لابسة لي
روحت للدكتور
يا الله النهاردة معادك اسف يا أمي والله نسيت خالص حقك عليا
متكبرش الموضوع بقي خلاص اصلا في بنت جدعة بنت حلال وصلتني ومسابتنيش....
ههههه لا يانن عيوني مقدرش احب حد ادك يا أبراهيم انت أبني ونور عيوني الي ربنا حرمني منهم وعوضني بيك اينعم مش انا الي خلفتك
بس والله يابني حبيتك أكتر من نفسي حتي
ربنا ميحرمنيش منك أبدا يا أمي عمرك ما حسستيني أنك مرات اب بلعكس اوقات كنتي بتتخانقي مع بابا الله يرحمه عشاني عمري ما هقدر انسي يوم ما بعتي كل دهبك عشان تدخيليني كلية الشرطة زي ما كنت أتمني
وانا ليا مين غيرك يا أبراهيم بعد ربنا يابني شد حيلك انت بس وربنا يوفقك في شغلك يابني
وأعدل بين الناس يا أبراهيم متستقواش علي ضعيف يابني
حاضر يا أمي دعواتك معايا بس بكرة اول يوم ليا بأذن الله هنزل مع ظابط في مكتبة لفترة وبأذن الله بعدين هاخد شغل لوحدي
الله يرعاك ويحفظك يارب
يلا بقي قوم نام بدري عشان تلحق شغلك يلا
حاضر تصبحي علي خير
وانت من اهل الجنة يابني
كل واحد منهم كان نايم في عقله حاجة
سندس مش عارفة هتعمل اي بعد كده ولا هتروح فين بس قررت أنها هتدور علي أي خيط يوصلها بأهلها حتي لو كانوا رموها زمان
أبراهيم بيفكر في الموقف الي اتحط فيه بسبب صاحبه وملامح البنت العصبية الي كانت مستعدة تقتلهم بس عشان تمنع حاجة حرام وغلط انها تحصل
وأية كانت بتفكر
لو بنتها كانت لسه عايشة ياتري كانت هتبقي بحنية وجرائة البت
