النصيب
بس مترجعيش ټندمي ....سكتت
عند ندى .........
نزلت لقيت أسر مستني قلت له موافقتش قال لي حاولي معاها تاني هي قالت لك انها بطلت تحبني قلت له ما قالتش و ما قالتش انها بتحبك قال لي طيب حاولي معاها قولي لها ان انا مش هينفع اخلي لي لي معاها وان انا لازم اتجوز عشان حد ياخد باله منها قلت له انا قلتلها كدا عشان عارفة ان دي الحاجة الوحيدة اللي ممكن توافق عشانها بس اقولك حاول انت معاها بنفسك قال لي و انا هلقاها فين
دي ما بتطلعش من اوضتها اصلا قلت له انا رايحة فهي لما تكون عايزة البنت هتنزل تاخدها بنفسها و دي فرصتك
عمتو سافرت و بقيت لوحدي بليل خالتي سلوى نادتني قالت لي اسر بيقولك ان البنت مرضيتش تنام و بټعيط قلت لها خليه يجيبها قالت لي انا مش فاضيلكو خالص ابعتي وحدة من البنات قلت لها ماشي ...اختي راحت قالت له ياسمين بتقولك هات لها فوق جابه و جيه كنت متوترة خدتها فضني هديت على طول و بقيت اتكلم معاها القمر بيعيط ليه مين مزعلك تنامي معايا قال لي بس انا مش عايز اتقل عليكي قلت له لا ما فيها حاجة سبهالي و تعالى خدها الصبح قال لي شكرا ليكي ان بتعبك معايا وانت مالكيش ذنب قلت له لي لي دي اجمل تعب ......
في يوم اسر قال لي انا عايز اتكلم معاكي فموضوع قلت له خير قال لي انا عايز اطلب ايدك من عمي و كنت عايز اعرف هتوافقي ولا لا قلت له مش موافقة قال لي ليه يا ياسمين انتي عارفة ان انا بحبك قلت له انا اسفة بس انا مش هقدر
قال لي فكري قلت له مش هقدر افهمني قال لي طيب عشان لي لي انا اخدت شقة بعيد عن هنا و هاخد لي لي و اروح و هي متعلقة بيكي و انا مش هقدر اجيبها كل يوم قلت له خليها معايا قال لي بصفتك ايه و مش عارفة تردي صح فكري في الموضوع و لو رفضتي انا هجيب لها بيبي سيتر تفضل معاها لحد ما انا ارجع قلت له بس قال لي فكري كويس و ردي عليا ...عيطت و قلت له عشان خاطري متاخدهاش مني
راح وانا كنت متوترة انا مش عايزة اتجوز بس هو مكني من ايدي اللي بتوجعني استر يا رب
تاني يوم اسر جيه اتقدم لبابا و هو وافق و سالني و قلت له اني موافقة و حددو كتب الكتاب بعد اسبوع اسر قال لي انه يعمل لي فرح وانا قلت ان مش عايزة اي حاجة
