قصه جميله

و ردت على التليفون
ملك في ايه يا مجدي زن زن زن عمال تتصل ورا بعضه مش عارفه ارد عليك
مجدي جرى إيه يا ملك كل ده و انتي مختفيه و مش عارفه اتلم عليكي هو في ايه بالظبط
ملك هيكون في ايه يعني يا مجدي هو مش ده الشغل اللي احنا اتفقنا عليه
مجدي و الله كويس قوي انك لسه فاكره اتفقنا يا ست ملك الاسبوع قرب يخلص و انتس لا حست و لا خبر .... المناقصه هتضيع مننا و هنعلن افلاسنا خالص.... و ابن الغندور هيخلينا نمشي نسف تراب و نشحت من الناس و مش هيدونا كمان
ملك و انت فاكر ان دخول مكتبه او ان انا اخد ورق منه هيبقى بالسهوله دي يعني يا مجدي في خلال ثلاث اربع ايام اقدر اعملها ما تصبر شويه

مجدي ملك انت شكلك قاعده عندك بتلعبي ... يومين يا ملك كمان... يومين و يكون الورقه عندي انتي و شنطه هدومك و ما ترجعيش هناك ثاني انت فاهمه و إلا هتشوفي مني الوش إلي مش بيعجبك.
ملك حاضر حاضر اقفل دلوقتي لازم أطلع
مجدي ماشي يا ملك أما نشوف و يا ريت تحضري نفسك للفرح لانه بعض المناقصه بيوم مش محتاجه افكرك يعني و مش هأجله تاني أنتي سامعه
ملك فاكره يا مجدي فاكره حاضر
قفلت ملك مع مجدي و هي خاېفه و مړعوبه... بتفكر إزاي هتتجوزه و هي أصلا پتخاف منه .
و ڠصب عنها دماغها سرحت و بدأت تقارن بين معاملته ليها و معاملة عزيز معاها
ملك فوقي يا ملك .. فوقي.. ده هو و أهله سرقوكي أنتي و عيلتك و كمان عمره ما هيبص لخدامه ... بس أنا مش خدامة ... أه بس لما يعرف الحقيقة مش هيسمي عليكي.. مافيش أمل ليكوا مع بعض ... مافيش... لازم أنفذ طلب مجدي.. لازم.
اخر اليوم رجع عزيز من شغله و لاقى رجله وخداه على المطبخ.
عزيز مساء الخير ياعم عبدو .
عم عبدو الحمدلله يابني ... أكيد عايز قهوتك.. خمس دقايق و تكون جاهزة
عزيز أه بس يا ريت ملك إلي تعملها زي بتاعت الصبح كده ... هي فين صحيح.
عبده مش عارف و قهوة ايه اللي هي عملتها أنا إلي عملت قهوتك الصبح زي كل يوم .. بص يا بيه .. انا بخدم هنا من زمان من ايام جدك الكبير و ربما عالم أنا عادك زي عيالي ... و البت دي أنا شاكك فيها و مش مرتاح لها.
عزيز إزاي يعني مالها...
عبده أولا شكلها بنت ناس مش وش خدمه في البيوت و مش بتعرف شغل الخدمة أصلا.
عزيز ماشي يمكن ما أنت عارف الزمن غدار و..
عبده أسمع مني يا بيه ... بقولك وراها إن و بعدين بيجيلها مكالمات كتير و بتبقى متوتره و مش بترضى ترد قدامي..
عزيز فكر في كلامه و طلب منه قهوته و خرج.
لاقى عمته مقابلاه
هدى عزيز .. كويس انك جيت... دي رشا خلاص على وصول.
عزيز أه أزيك يا عمتي
هدى أزيك إيه أنت شكلك مش معايا خالص
عزيز هي فين ملك
هدى بقا انا بقولك رشا جايه و على وصول و انت تقولي فين سي زفته .. مالك يا عزيز و بتسأل على الخدامه ليه
عزيز لا ولا حاجه.. أنا افتكرت مكالمه مهمه لازم أعملها.
عزيز دخل مكتبه عمل كام مكالمة و فجأة لاقى بنت بټقتحم مكتبه
رشا عزززيزز .. وحشتني قوي قوي
عزيز حمد لله على السلامه يا رشا نورتي مصر
رشا إيه