روايات سوما
انت في الصفحة 7 من 7 صفحات
بقت وفي وقت قصير بقت معلمة فيزيا شاطرة اوووي الناس كلها بتتكلم عنها وعن رأفتها بالطلاب الطلاب كانوا بيعتبروها اختهم الكبيرة وبيحبوها اووي حتي امها بطلت تضغط عليها في حكاية الجواز دي وسابتها براحتها حتي أنا مفكرتش أبين مشاعري كان خوف أنها ترفضني وتفتكر اني هاخدها بديل لماهي أنا فضلت من بعيد اساعد وأشوف محتاجة ايه كنت مستني اي لمحة منها أنها بتحبني عشان اروح واطلبها المرة دي بالطريقة الصحيحة بس الوقت طال فضلت سنتين مستني اي تلميح منها بس هي كانت جبلة ما شاء الله
روحت بعربيتي الجديدة قدام السنتر بتاعها كنت مبسوط اني قدرت اخيرا اشتري عربية صحيح هي نص عمر وبالتقسيط وواخده نص مرتبي من المستشفي اللي بشتغل فيها بس اهي عربية احسن من بلاش
كنت مستنيها تطلع من السنتر عشان أوصلها زي كل يوم
ازيك يا أمير
قالتها كاميليا وهي بتبتسم
اهلا يا كامي
قولتها بإختصار وبعدين مشينا
استني يا حبيبي هعملك حاجة تشربها
وقفتها وقولت
لا يا خالتي عايزة اكلمك في موضوع بما أن بنتك جبلة
بصتلي كاميليا پصدمة فكملت
انا بصراحة طالب ايد بنتك كاميليا للجواز واسف كده مفيش حاجة اسمها احنا رافضين طلبك ويالا يا خالتي زغرطي وروحي اعملي الشربات عشان تيجي ونتفق علي اجراءات الفرح وشهر العسل
يالا يا خالتي اعملي الشربات وسيبي العرسان لوحدهم
دخلت خالتي المطبخ وبصيت لكاميليا اللي فاتحة بوقها فاقت وقالت
انت صح
طبيعي يا كامي هو فيه حد في عيلتنا عاقل اصلا جينات الجنان متأصلة فينا عشان كده خۏفت اتجوز من العيلة عشان النسل بتاعي بس اعمل ايه لقلبي غاوي فرهدة
خلاص يا حبيبي اتجوز من برة العيلة هو انا اجبرتك تتجوزني ده انا نص الشارع بتاعنا ھيموت عليا
بهزر والله يا أمير
ايوة كده اتعدلي أنا رايح ابشر امي بالموضوع وانتي قدامك شهرين تجهزي نفسك عشان نتجوز هكمل الأربعين وانا سنجل بائس عايزة اخش دنيا
مسكت كاميليا أيدي وقالت
واشفق عليكي ليه كنتي مشبك يعني ما انتي إنسانة وزي القمر اهو ومثقفة صحيح لاسعة حبتين بس هبقي اخبطك بالعصايا في راسك وهتعقلي بإذن الله
ضحكت كاميليا فشديت ايديها وقالت
انتي الأميرة بتاعتي الأميرة اللي كانت قدامي طول السنين دي وانا مكنتش شايفها بس كنت عارف انها هتظهر في حياتي
كنت عارف ان ربنا هيعوضني بأحلي أميرة وأكون أنا أميرها بحبك يا أميرتي
ضحكت بكسوف وقالت
وانا كمان
الله اكبر مطلعتيش جبلة اهو
تمت
