رواية التقليد بقلم روان احمد

الحقى يا بت يا نغم فى كورى عندنا فى الشركه
يختى افتكرتك هتقولى حاجه مهم اى بتقولى كورى
اه بس حته كورى انما اى مز المز
قومت من مكانى بتوتر وسرعه هو فين ودينى لمكانه حالا
ضحكت وقالت ماهو يابختك يا بنت اللعيبه انك انتى اللى هتكونى مع مستر جاسم فى الميتنج النهارده بدل محمد اللى غايب
بعيون بتطلع قلوب بتتكلمى جد

قاطع كلامنا مستر جاسم لما دخل علينا وقال نغم هتكونى معايا انهارده فى الميتنج دا ومدير الشركه بنفسه جاى فاجهزى علشان الميتنج كمان 20 دقيقه وسابنى وخرج
الټفت ليها وقولت اهو مجابش سيره كورى خالص عرفتى منين ان المدير كورى شميتى على ظهر ايدك مثلا
من حقك ماتعرفيش ماانتى نايمه فى البطيخ الشركة اللى هنتعامل معاها شركه كوريه والمدير الكورى كان تحت من شويه
اها طب انا هروح اشوف الملف بتاع الميتنج واضبط طرحتى ولبسى وهجرى على الميتنج ادعيلى
خبطت على الباب ودخلت بهدوء فشوفت شويه كوريين انما اى قمر ولقيت كرسى فاضى فروحت قعدت فيه بعد شويه مستر جاسم شاور لى علشان اقوم اشرح المشروع بتاعنا بالانجليزيه وفضلت اشرح المشروع واللى هو عباره عن كومباوند متكامل احنا اللى هنظبط فيه الديكورات فعرضت عليهم التصاميم وعجبتهم ولما خلصت لقيت كله سقفلى ابتسمت بثقه وقعدت فى مكانى تانى
وبعد شويه رغى من جميع الاطراف قاموا علشان يمشوا فلقيت مدير الشركه جاى عليا وبابتسامه قمر زيه بيقول 
انتى محترفه لكى مستقبل مبهر وانا سعيد لرؤيتى لكى
هذه شهادة أنا فخوره بها يا سيدي
قال لاتقولى سيدى فقط كيم
بتفاجأ انت بتتكلم عربى حلو اوى
بغمزه انا معى 4 لغات عزيزتى
ابتسمت وقولت اتشرفت بمعرفتك بس ممكن طلب قبل ماتمشى
وحياه عيالك يا شيخ ممكن سيلفى اصلى نفسى اتصور مع كورى قمر زيك كدا وكمان علشان اغيظ البنت شهد بيها
ضحك بصوت عالى وقال مفهمتش اول جمله 
بصيت لقيت جاسم المدير بتاعى بيبرقلى بعينه
فخۏفت منه وقولت طب ما اعطلكش انا سلامواعليكم
وجريت على برا
بص لطيفها بابتسامه وخرج مع الموظفين بتاعته
عدى اليوم وروحت البيت وحكيت لاختى وفضلت تقر عليا لانى قابلت كورى وهى لا
اول مره اتاخر على ميعاد الشركه لانى دقيقه فى مواعيدى بس امبارح اتفرجت انا و اختى على حته فيلم كورى انما اى تحفهه دخلت لقيت المدير الكورى دا موجود فى ريسبشن الشركه ابتسمت وهو كان مشغول فى أوراق كدا ولما بدات اقرب علشان اركب الاسانسير لمحت حد من الحراس راح اتكلم معاه وبعدها كيم القمر
بصلى باب الاسانسير فتح وكيم وقف من مكانه واتحرك ناحيتى بصيت بصه اخيره للاسانسير و رجعت بصيت لكيم فقررت اقف واستناه وظز فى التاخير الواحد هيشوف الحلويات دى كل يوم كدا اكيد لاا
قرب عليا ومد ايده برسميه وقال صباح الخير عزيزتى
مديت ايدى وسلمت وقولت صباح الخير